മഴ തോര്ന്ന ഇന്നലെ വീണ്ടും തോട്ടത്തിലിറങ്ങി. ശ്രീമതി നട്ടു പിടിപ്പിച്ച എല്ലാ ചെടികളും, പൂവുകളും ഏതാണ്ട് കൊഴിയാറായി നില്ക്കുകയാണ്. അതോരോന്ന് നോക്കി നടക്കുന്നതിനിടയില് പുതിയ കുറെ പ്രാണികളെ കണ്ടു. അവയെയെല്ലാം ക്യാമറയില് ഒപ്പിയെടുത്ത്, നടക്കുമ്പോള് അതാ എന്റ്റെ മുന്നില്........... ഓര്മകളെ കുറെ വര്ഷങ്ങള് പിറകിലേയ്ക്ക്. മുറ്റത്തെ മൂവാണ്ടന് മാവില് നിറയെയുണ്ടായിരുന്ന ചുവപ്പ് നിറത്തില് കറുത്ത പുള്ളീകളുള്ള ‘ലേഡി ബഗ്’. ഇതിന്റെ പകുതി വലിപ്പമേ വരൂ, എങ്കിലും കുറെയധികം ഉണ്ടായിരുന്നു. പ്രാണികളുടെ ചിത്രങ്ങള് പിടിയ്ക്കുന്ന ഒട്ടു മിക്ക എല്ലാവരുടെയും സ്നേഹഭാജനമാണീ അരുമ. ചുവപ്പിന്റെയും മഞ്ഞയുടെയും പല ഷെയ്ഡുകളില് ഇവയെ കാണാന് കഴിയും. പച്ചനിറത്തിലുള്ളാ ഇലകളില് ഇരിയ്ക്കുമ്പോള് ഇവയുടെ ഭംഗി കാണേണ്ടത് തന്നെയാണ്. മാക്രോ ഫോട്ടോഗ്രാഫി മത്സരങ്ങളില് മിയ്ക്കവാറും ഈ പ്രാണികള് തന്നെയായിരിയ്ക്കും വിജയികള്. ഓര്മകളില് നിന്ന് തിരിച്ചിങ്ങ് പോന്നു, പിന്നെ ഒന്നും നോക്കാതെ, ഈ സുന്ദരിക്കോതയുടെ (അത് ഞാനങ്ങ് തീരുമാനിച്ചു) പല പോസുകള്... ഒരു എതിര്പ്പും കാണിയ്ക്കാതെ മുഴുവന് നേരവും സഹകരിച്ച്, വെയില് കാഞ്ഞ്, അതങ...