ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

നൈജീരിയായിലെ ഹെല്‍മറ്റ് വിശേഷം

നൈജീരിയായിലെ മോട്ടോര്‍സൈക്കിള്‍ യാത്രാവിശേഷം കണ്ടപ്പോള്‍ ഒന്ന് പങ്ക് വെക്കണമെന്ന് തോന്നി.
ബൈക്ക് യാത്രക്കാര്‍ക്ക് ഹെല്‍മറ്റ് നിര്‍ബന്ധമാക്കിയപ്പോള്‍ പലരും കണ്ടുപിടിച്ച ഒരു മാര്‍ഗ്ഗം.
റ്റയറും, തണ്ണിമത്തനോ അതുപോലുള്ള പഴവര്‍ഗ്ഗങ്ങളോ തുരന്ന് തലയില്‍ വെച്ച് യാത്ര, ഹെല്‍മറ്റ് വാങ്ങിയ്ക്കുന്നതും വെയ്ക്കുന്നതും ഒഴിവാക്കാന്‍.

കൂടുതല്‍ ബോറടിപ്പിയ്ക്കുന്നില്ല, ഇതാ ഇവിടെ

നമ്മുടെ നാട്ടുകാര്‍ക്കും പരീക്ഷിച്ച് നോക്കാവുന്നതേയുള്ളൂ...

വേറൊന്ന് കൂടി കണ്ടു, നൈജീരിയായില്‍ 2 പുരുഷന്മാര്‍ക്കിടയില്‍, അല്ലെങ്കില്‍ പുരുഷന്റെ കൂടെ ഒരു സ്ത്രീ ബൈക്കില്‍ യാത്രചെയ്താല്‍ കല്ലെറിഞ്ഞ് കൊല്ലലാണത്രെ ശിക്ഷ...

അഭിപ്രായങ്ങള്‍

  1. ഹെൽമറ്റ് നിർബന്ധിതമാക്കിയതിനാൽ ഇരുചക്രവാഹനങ്ങൾ വളരെ കുറവായിട്ടേ നിരത്തിൽ ഇപ്പോൾ കാണാനുള്ളൂ, മാത്രവുമല്ല ജനകീയ ട്രാൻസ്പോർട്ട് മാർഗ്ഗ്മായിരുന്ന ‘ഒക്കട’ എന്ന ഓമനപേരിലുള്ള ബൈക്ക് ടാക്സി പരിപാടി പാടേ നിന്നുപോയി, ഞാൻ വസിക്കുന്ന റിവർസ്റ്റേറ്റിൽ ഒക്കട സർവ്വീസ് ജനുവരി 1 മുതൽ നിരോധിക്കുകയും ചെയ്തു; അല്ലായിരുന്നെങ്കിൽ അവസാനത്തെ പാരഗ്രാഫ് മൊത്തമായും ശുദ്ധ അസംബന്ധം ആണെന്ന് ചിത്രം സഹിതം തെളിയിക്കാമായിരുന്നു! ത്രിശ്ശൂക്കാരാ, ഇവിടുത്തെ ‘ഒക്കട’യിൽ ഓടിക്കുന്നവന്റെ പുറകെ ഒന്നും രണ്ടും പെണ്ണുങ്ങൾ കേറിപോകുന്നത് (ട്രിപ്പിൾസ് തന്നെ)സ്ഥിരം കാഴ്ചയായിരുന്നു;ആരും കല്ലെറിയുന്നത് കണ്ടിട്ടില്ല. ഇരുചക്ര വാഹനങ്ങൾ മൂലം ഉണ്ടാകുന്ന റോഡ് അപകടങ്ങൾ ക്രമാതീതമായി കൂടിയതാണ് ഏറ്റവും ചിലവ് കുറഞ്ഞതെങ്കിലും ബൈക്ക് ടാക്സികൾ നിരോധിക്കാനുള്ള കാരണമായി ഗവണ്മെന്റ് പറയുന്നത്.

    മറുപടിഇല്ലാതാക്കൂ
  2. ആലിഫ്, ഞാന്‍ റോയിട്ടര്‍ ആഫ്രിക്ക രിപ്പോര്‍ട്ട് ചെയ്ത ഒരു ന്യുസ് ഒരു ബ്ലോഗര്‍ എടുത്തെഴുതിയത് ശ്രദ്ധയില്‍പ്പെട്റ്റുത്തിയെന്നേയുള്ളൂ.

    വിശദമായി വായിയ്ക്കാന്‍ ഇവിടെ പോകുക
    .

    മറുപടിഇല്ലാതാക്കൂ
  3. നമ്മുടെ നാടു തന്നെ അതിലും നല്ല്തു..

    മറുപടിഇല്ലാതാക്കൂ
  4. “റോയിട്ടര്‍ ആഫ്രിക്ക രിപ്പോര്‍ട്ട് ചെയ്ത ഒരു ന്യുസ് ഒരു ബ്ലോഗര്‍ എടുത്തെഴുതിയത് ശ്രദ്ധയില്‍പ്പെട്റ്റുത്തിയെന്നേയുള്ളൂ” ഇത് താങ്കൾ പോസ്റ്റിൽ തന്നെ സൂചിപ്പിച്ചിരുന്നില്ല എന്നത് ഖേദകരമാണ്. നൈജീരിയയുടെ വടക്കൻ പ്രവിശ്യകളിലെ ചില എക്സ്ട്രീമിസ്റ്റ് ഗ്രാമങ്ങളിലും മറ്റും ഇത്തരം കാടൻ നിയമങ്ങൾ നടപ്പിലാകുന്നുണ്ടാകാം, പക്ഷേ അത് താങ്കളുടെ പോസ്റ്റിൽ വന്നപ്പോഴേക്കും നൈജീരിയയുടെ മൊത്തം നിയമം പോലെയാണ് വായിക്കാൻ കഴിഞ്ഞത്; ഇത് തന്നെയാണ് നമ്മുടെ പത്രപ്രവർത്തകർക്കും സംഭവിക്കുന്നത്.റോയിട്ടറിൽ വന്ന വാർത്തയെ ആശ്രയിച്ച് ഏതെങ്കിലും ബ്ലോഗർ അവർക്ക് തോന്നുന്ന ഒരാശയം കൂടിചേർത്ത് അവതരിപ്പിക്കുന്ന് പോസ്റ്റിനെ (ആ ലിങ്കിൽ ഉള്ള പോസ്റ്റിൽ പെട്ടികോളത്തിലുള്ള റോയിട്ടർ വാർത്തയിൽ കല്ലെറിഞ്ഞ് കൊന്നു എന്നേയുള്ളൂ, അത് ബൈക്കിൽ പുറകിലിരുന്ന് പോയതിനാണ് എന്നില്ല)മറ്റൊരു വാർത്ത പോലെ അവതരിപ്പിക്കുമ്പോൾ ആട് പട്ടിയായി രൂപാന്തരപ്പെടുന്നു.നേരിട്ട് അറിയാതെ ഇത്തരം വാർത്താപോസ്റ്റുകൾ ഉണ്ടാകുന്നതിനോടേ എതിർപ്പുള്ളൂ, അല്ലാതെ ഞാൻ നൈജീരിയയുടെ ബ്രാൻഡ് അംബാസിഡർ ഒന്നും അല്ല..!

    മറുപടിഇല്ലാതാക്കൂ
  5. ഹ ഹ. അപകടമുണ്ടായാൽ നിയമം ഉണ്ടാക്കിയവരുടെ തലയായിരിക്കുമോ പൊട്ടിപ്പൊളിഞ്ഞു പോകുന്നത് ?!!

    മറുപടിഇല്ലാതാക്കൂ

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ത്രിശ്ശൂര്‍ കാഴ്ച ബംഗ്ലാവ് - ഒരു വ്യസനം

മ്ലാവ് (Sambar Deer)

വര്‍ഷങ്ങള്‍ക്ക് ശേഷം ഇന്ന് zoo ല്‍ പോയി. പഴയതിന്റെ ഒരു അസ്ഥിപഞ്ജരം മാത്രമെ കാണാന്‍ കഴിഞ്ഞുള്ളൂ...
അതിനിടെ, സൂ ഇവിടെ നിന്ന് മാറ്റി വേറെ എവിടെയോ സ്ഥാപിക്കുന്നതിനെക്കുറിച്ച് രാഷ്ട്രീയനേതാക്കളും മറ്റും ഘോര ഘോരം സെമിനാറുകള്‍ നടത്തുന്നു.
സൂവില്‍ പല കൂടുകളും ഒഴിവാണ്, ചത്തുപോയിക്കാണും. ഇന്നത്തെ അവസ്ഥക്ക് മാധ്യമങ്ങള്‍ നല്‍കുന്ന അമിത പ്രാധാന്യം കാരണം ചില തമിഴ് ടൂറിസ്റ്റുകളെയല്ലാതെ മറ്റാരും അവിടെ കണ്ടില്ല.
വാഹനം പാര്‍ക്ക് ചെയ്യാന്‍ കോര്‍പ്പറെഷന്‍ വാങ്ങിക്കുന്ന 10 രൂപ കൂടാതെ, പ്രവേശനത്തിന് 8 രൂപ, ക്യാമറയ്ക്ക് 15 എന്നിങ്ങനെ വില നിലവാര പട്ടിക, പുറത്ത് തന്നെയുണ്ട്.
പല മൃഗങ്ങളും അസുഖങ്ങള്‍ കൊണ്ടും സഞ്ചാര സ്വാതന്ത്രമില്ലയ്മ കൊണ്ടും ബുദ്ധിമുട്ടുന്നത് കാണാം.
ഞാന്‍ കാണണമെന്ന് വിചാരിച്ചത് പാമ്പുകളിലെ രാജവെമ്പാലയെയായിരുന്നു, പക്ഷെ, അവന്‍ പണ്ടെ ചത്തിരുന്നു. പിന്നെ കുറെ മൂര്‍ഖന്‍മാരുണ്ട്.
സൂ ഇവിടെ നിന്ന് മാറ്റുമ്പോള്‍ ഏറ്റവും വ്യസനിയ്ക്കുക മൃഗങ്ങളോ, മൃഗസ്നേഹികളോ ആയിരിക്കില്ലാ, ക്ലാസ് കട്ട് ചെയ്ത് വരുന്ന ചില കാമുകീ കാമുകന്മാരയിരിക്കും.
ഞാന്‍ ദൃക്‌സാക്ഷ്യം വഹിച്ച ഒരു കൂട്ടം പറയാതെ വയ്യ.
കണ്ടപ്പോള്‍…

ഫോട്ടോഷോപ്പില്‍ മലയാളം എഴുതുന്നതെങ്ങിനെ?

എനിയ്ക്കറിയില്ല,

അറിയാവുന്ന ആരെങ്കിലും പറഞ്ഞുതരൂ...

എന്റെ font list ല്‍ Anjali ഉണ്ടെങ്കിലും ഉപയോഗിയ്ക്കുമ്പോള്‍ മറുഭാഷയാണ് വരുന്നത്.

അറിയാവുന്നവര്‍ പറഞ്ഞുതരിക.

എന്താണ്‌ സി.ടി.സ്കാന്‍?

ആരോഗ്യശാസ്ത്രം വളരെയധികം പുരോഗമിച്ച ഈ കാലത്ത് ഇതിനെക്കുറിച്ച് കേള്‍ക്കാത്തവര്‍ കുറയും. തൊട്ടതിനും പിടിച്ചതിനും സ്കാനിങ്ങും ലാബ്ടെസ്റ്റും എഴുതുന്ന ഡോക്ടര്‍മാരെക്കൊണ്ട് നിറഞ്ഞിരിക്കുന്നു നമ്മുടെ ആശുപത്രികള്‍. എന്തുകൊണ്ടാണ് സ്കാനിങ്ങ് രോഗനിര്‍ണ്ണയത്തില്‍ ഇത്ര പ്രാധാന്യം കൈവരിച്ചത്? എന്താണ് അവയുടെ ഉപയോഗം? എന്താണ് അവയുടെ പാര്‍ശ്വഫലങ്ങള്‍‍?
Computerized Tomography (CT) എന്നാണ് ഇതിന്റെ മുഴുവന്‍ രൂപം. അമേരിക്കക്കാര്‍ ഇതിനെയിപ്പോഴും CAT scan (computerized axial tomography) എന്നാണ് വിളിക്കുന്നത്. ടോമോ എന്ന ഗ്രീക്ക് പദത്തിന് ഛേദം, മുറിവ് എന്നു തുടങ്ങിയ അര്‍ത്ഥങ്ങളുണ്ട്. ഗ്രാഫി എന്ന പദത്തിന് ഇപ്പോള്‍ കൂടുതലും പഠനം എന്ന അര്‍ത്ഥമാണ് ഉപയോഗ്ഗിക്കപ്പേടുന്നത്. അതായത് മനുഷ്യശരീരത്തെ ഛേദങ്ങളാക്കി പഠിക്കുന്ന രീതി. അതുകൊണ്ടുതന്നെയാണ് ഇതിന്റെ പ്രാധാന്യം ഇത്രയധികം വര്‍ദ്ധിക്കാന്‍ കാരണം. ഇതിന്റെ സഹായത്തോടുകൂടി ഡോക്ടര്‍മാര്‍ക്ക് രോഗിയുടെ ശരീരത്തെ കീറിമുറിക്കാതെ തന്നെ ഓരോ അണുവിടയും പരിശോധിക്കാമെന്നായിരിക്കുന്നു.



എന്താണ് ഇതിന്റെ പ്രവര്‍ത്തനരീതി?

മെഡിക്കല്‍ ഇമേജിങ്ങിന്റെ കീഴില്‍ ആണ് സി.ടി സ്കാനിങ്ങ് ഉള്‍പ്പെട്ടിരിക…